Odyans Tematik CIDH sou Aksè ak Enfòmasyon (mas 2015) (an anglè)

Sitiyasyon sou Dwa Aksè ak Enfòmasyon an Ayiti

Odyans Piblik sou 154yèm Sesyon Komisyon Entèameriken pou Dwa Moun (CIDH)

Madi 17 mas 2015 → Ekstrè rapò sou 153zyèm Sesyon CIDH:

https://www.oas.org/es/cidh/prensa/docs/report-154.pdf

Òganizasyon patisipan yo te prezante enfòmasyon twoublan sou obstak ki egziste deja nan egzèse dwa pou gen aksè ak enfòmasyon piblik, sitou ki gen rapò ak pwojè envestisman etranje, devlopman touristik, eksplwatasyon minyè ak eksplwatasyon resous natirèl yo. Epitou, CIDH te resevwa enfòmasyon ki reflete mank yon kad jiridik ki tabli ak devlope mekanis pou gen aksè ak enfòmasyon piblik yo epi ki limite lajè pouvwa Leta sou diskresyon pou klasifye enfòmasyon yo gras a klòz konfidansyalite. Òganizasyon k ap patisipe yo rapòte tou ti kras enfòmasyon Leta pibliye yo fèt an fransè, san yo pa enkli lang kreyòl ayisyen an, ki limite pou yon gwo pousantaj popilasyon an gen askè ak li. Komisyon an pa t kapab jwenn yon repons nan men leta paske gouvènman an pa t asiste odyans lan. Biwo Rapòtè Espesyal pou Libète Ekspresyon, bò kote pa l, te eksprime nesesite pou aplike yon lwa espesifik ki gen pou wè ak aksè ak enfòmasyon, youn ki ta garanti pou egzèse dwa sa a. Komisyon an regrèt Leta ayisyen pa t patisipe nan odyans lan.