Lèt tèt ansanm sou mank responsablite pou patisipasyon Bank Mondyal nan sektè eksplwatasyon minyè an Ayiti (9 mas 2015)

9 mas 2015

Atravè imèl

Doktè Jim Yong Kim
Prezidan
The World Bank Group
1818 H Street, N.W.
Washington, DC 20433

Konsènan: Mank responsablite pou patisipasyon Bank Mondyal nan sektè minyè an Ayiti

Misye Prezidan Kim, nou menm òganizasyon ki sousiyen yo, gen gwo kè kase akòz Bank Mondyal la ap ede devlopman sektè minyè an Ayiti, ki se yon endistri ki gen gwo ris asosye avèk li, san li pa aplike okenn nòm sosyal oswa anviwònmantal pou asire transparans ak bon jan patisipasyon piblik la. Nou gen plis kè kase ankò akòz yon fay aparan nan kad estratejik Bank lan ki pèmèt bank lan ekate responsablite pou sètèn aktivite l ap fè yo, endepandan de ris yo reprezante pou sosyete ak pou anviwònman an. Etandone eksperyans ou genyen kote w te travay nan tèt ansanm avèk kominote an Ayiti, nou gen konfyans ou konprann vilnerabilite peyi a anfas pwojè developmen ki pote gwo ris. Anviwònman Ayiti a deja devaste; peyi a manke kapasite enstitisyonèl ki nesesè pou l devlope sektè minyè a nan yon fason responsab, si pa gen yon laj konsiltasyon ak yon suivi djanm sou ki efè sa kapab genyen pou sosyete a ak pou anviwònman an.

Bank lan pa kapab ekate responsablite pou aksyon li pran an Ayiti

Atravè yon fon fidisyè Extractive Industries Technical Advisory Facility (“EI-TAF”), Bank Mondyal la te patisipe aktivman nan redije yon nouvo lwa nasyonal sou eksplwatasyon minyè an Ayiti. Objektif lwa sa a se ogmante envestisman nan sektè a. Malgre Bank lan te deklare li ta pral sipòte devlopman enstitisyonèl ak konsiltasyon piblik ki gen pou wè ak eksplwatasyon minyè, jiskaprezan poko gen okenn aktivite pou ranfòse kapasite oswa dyalòg piblik ki vrèman patisipatif. Yo mete kominote ki sibi eksplwatasyon minyè sou kote nan konvèsasyon k ap fèt sou devlopman sektè minyè a. Yo te redije nouvo lwa sou eksplwatasyon minyè san okenn vrè konsiltasyon piblik epi san okenn jefò pou ranfòse kapasite enstitisyon ki gen zo bwado pou yo reglemante enpak eksplwatasyon minyè. Bank lan konnen gen yon gwo brèch ant kad jiridik pou eksplwatasyon minyè, ki yo te devlope byen vit, ak ranfòsman kapasite leta pou jere epi minimize enpak sektè a, ki ap fèt tou dousman. Sa kreye yon dinamik danjere kote endistri a vale teren, leta suiv li, epi yo kite pèp la dèyè.

Kominote an Ayiti ki sibi eksplwatasyon minyè, ansanm avèk Kolektif Jistis Min an Ayiti, te soulve enkyetid sila yo nan yon Demann pou Panèl Enspeksyon yo te soti resaman. Nan demann nan, yo t ap chèche fè Bank lan pran responsablite l pou vyole politik li yo sou konsiltasyon piblik ak patisipasyon nan desizyon sou devlòpman, pami lòt dwa fondalnatal. Sepandan, Panèl Enspeksyon an pa t kapab resevwa Demann nan paske Bank lan te chwazi finanse aktivite l yo atravè yon Fon Fidisyè Bank lan Egzekite ("BETF," Bank-Executed Trust Fund). Menm nòm sosyal ak anviwònmantal minimal Bank la pa aplikab pou yon fon fidisyè konsa. Panèl la note "Desizyon jesyon an pran pou egzekite yon [pwojè asistans teknik] ki konplèks tankou pwojè sa a anba yon BETF... vle di li politik Bank lan pa aplikab pou li otomatikman, menm si desizyon sa a sanble li demezire parapò ak nivo ris anviwònmantal ak sosyal." Desizyon Panèl la mete aksan sou gravite ak lejitimite enkyetid yo soulve nan plent lan, men akòz desizyon Bank lan te pran sou finansman, pèp ayisyen kwense vre. Petèt Bank lan te itilize yon pwen fèb nan politik fon fidisyè li pou evite aplikasyon pwòp politik sòvgad li yo nan sipò l ap bay devlopman endistri minyè an Ayiti. Men li pa kapab ekate responsablite li genyen pou l respekte dwa sosyal ak anviwònmantal pèp ayisyen, sitou lè l ap ankouraje devlopman yon sektè ki gen gwo ris tankou eksplwatasyon minyè.

Fok Bank lan aplike politik sòvgad li yo nan tout aktivite Bank lan fè, sanzeksepsyon

Desizyon Panèl Enspeksyon an revele Politik Operasyon Bank lan pa aplikab kote Bank lan chwazi finanse yon aktivite atravè yon BETF. Anfèt, desizyon Panèl la montre aklè Bank lan pito itilize BETF yo pou pwojè EI-TAF nan peyi kote kapasite a fèb -- konsa, yo ka asire yon "reyalizasyon rapid." Apwòch sa a refize bay kominote ki pi vilnerab yo ni pwoteksyon politik sòvgad Bank lan ofri ni posiblite rekou devan Panèl la. Fay nan kad estratejik BETF Bank lan genyen kreye yon gwo twou responsablite ki inakseptab. Li bay Bank lan dizon pou li evite aplikasyon nòm minimal sou plan sosyal ak anviwònman an.

Nou konprann, dapre desizyon Panèl Enspeksyon an, Bank Mondyal la ap antreprann yon egzamen aktyèlman sou kad estratejik ki aplikab pou BETF yo. Jan yo souliyen nan desizyon Panèl la, li kapital pou egzamen sou politik sa a gen ladan l konsiltasyon konpreyansif avèk tout moun ki konsène yo, ki gen ladan yo sosyete sivil ak moun k ap sibi konsekans pwojè yo. Pandan y ap antreprann egzamen sou politik sa a, yo dwe vize konble fay ki genyen nan politik Bank Mondyal la aktyèlman, asire aplikasyon nòm sosyal ak anviwònmantal se yon bagay ki obligatwa ki pa janm chita sou dizon pwojè ekip Bank lan oswa sou espesifisite enstriman finansman an. Etandone gen gwo enkyetid sou wòl Bank lan nan sektè minyè an Ayiti ak gwo twou responsablite dosye sa a devwale, nou mande pou Bank Mondyal la:

• Reponn ak demann kominote yo fè, sila Panèl Enspeksyon an souliyen nan plent li te soti dènyeman. Repons sa a ta gen ladan li pou travay ansanm avèk gouvènman ayisyen pou:

  • sispann fè eksplwatasyon minyè an Ayiti jiskaske yon deba nasyonal konsekan gentan fèt. Sa ta gen ladan li difizsyon pwojè lwa sou eksplwatasyon minyè an kreyòl, konsiltasyon avèk kominote ki afekte yo, ak yon peryòd kote piblik la kay fè kòmantè sou pwojè lwa sou ekplwatasyon minyè a;

  • asire pwojè lwa sou eksplatwasyon minyè koresponn ak pi bon pratik nan endistri a, Konstitisyon peyi Dayiti, epi angajman Ayiti pran sou nòm dwa moun entènasyonal; epi

  • mennen epi devwale yon evalyasyon sou ki jan eksplwatasyon minyè kapab afekte anviwònman an, egzamine ris devlopman sektè minyè a poze, epi idantifye ki kapasite ki nesesè pou anpeche epi minimize move konsekans yo.

• Antreprann yon analiz ki transparan epi ki fèt an dyalòg sou kad estratejik Bank lan parapò ak fon fidisyè Bank ap egzekite yo (BETF yo), swa atravè pwosesis revizyon Sòvgad la ki toujou sou pye, swa atravè analiz kad estratejik Bank lan pou sèvis konsiltatif epi/oswa fon fidisyè; epi

• Asire Politik Pwoteksyon Bank lan aplikab pou tout aktivite sèvis konsiltatif Bank lan ap fè, endepandan de enstriman finansman l ap itilize oswa kilès ki responsab egzekisyon li.

Mèsi pou atansyon w sou pwoblèm sa yo. N ap atann plis angajman sou aktivite Bank lan gen pou l fè an Ayiti epi jefò l ap fè pou konble twou responsablite nan ka sa a.

Avèk tout senserite,

11.11.11- Coalition of the Flemish North-South Movement, Belgium

1804 Institute, USA

Accountability Counsel, USA

Action Paysanne contre la Faim (APCF), DRC

Actions pour les Droits, l'Environnement et la Vie (ADEV), DRC

Alyansa Tigil Mina (ATM) - Alliance Against Mining, Philippines

American Federation of Labor – Congress of Industrial Organizations (AFL-CIO), USA

American Jewish World Service, USA

Asociación Ambiente y Sociedad, Colombia

Asociación Interamericana para la Defensa del Ambiente (AIDA), Latin America

Asosyasyon Kiltivatè ak Elvè Pistè (AKEP), Haiti

Asosyasyon Vwazen Solino (AVS), Haiti

Association Guinéenne pour la Transparence (AGT), Republic of Guinea

Bank Information Center (BIC), USA

Batay Ouvriye, Haiti Both ENDS, the Netherlands

Bretton Woods Project, United Kingdom

Center for International Environmental Law (CIEL), USA

Centre for Research on Multinational Corporations (SOMO), the Netherlands

Centre National de Coopération au Développement (CNCD-11.11.11), Belgium

Chiadzwa Community Development Trust, Zimbabwe

Citizens for Justice (CFJ), Malawi

Commission Episcopale Nationale Justice et Paix (JILAP)

Committee for the Abolition of Third World Debt, Spain

Community Justice Project, Inc., USA

Community Policing Partners for justice, Security and democratic Reforms (COMPPART), Nigeria

Confederación de Pueblos Indígenas de Bolivia (CIDOB), Bolivia

Defenseurs de Opprimes/Opprimees (DOP), Haiti

Defenseurs Sans Frontieres des Droits Humains, Haiti

Due Process of Law Foundation, USA Earthworks, USA

Ecoa, Brazil Equitable Cambodia, Cambodia

Fanm Pwogresis Nò, Haiti

Forest Peoples Programme, UK

Foro Ciudadano de Participación por la Justicia y los Derechos Humanos (FOCO), Argentina

Foundation for the Development of Sustainable Policies (FUNDEPS), Argentina

Friend with Environment in Development (FED), Uganda

Fundar, Centro de Análisis e Investigación, Mexico

Gender Action, USA

Global Initiative for Economic, Social and Cultural Rights, USA

Global Justice Clinic, NYU School of Law, USA

GMB, UK Groupe d'Appui aux Rapatriés et Réfugiés (GARR), Haiti

Gwoup Rechèch ak Apiy pou Devlopman Desantrilizasyon Kolektivitè Teritoryal yo (GRAD), Haiti

Human Rights Council, Ethiopia

Inclusive Development International, USA

Indigenous Peoples Links (PIPLinks), United Kingdom

Institute for Justice & Democracy in Haiti, USA

Institute for Policy Studies, Climate Policy Program, USA

Instituto Latinoamericano para una sociedad y un derecho alternativos (ILSA), Colombia

Integrate: Business and Human Rights, Australia

International Accountability Project, USA

International Federation for Human Rights (FIDH), France

International Human Rights Clinic, Western New England University School of Law, USA

Justice & Empowerment Initiatives, Nigeria

La Maison des Mines du Kivu (MMKi), DRC

Le Conseil Régional des Organisations Non Gouvernementales de Développement, DRC

Lumiere Synergie pour le Developpement, Senegal

Medicusmundi Catalunya, Spain

Mennonite Central Committee, Haiti

Mouvman Demokratik Popular (MODEP), Haiti

Movimiento Ciudadano frente al Cambio Climático (MOCICC), Peru

Movimiento Mesoamericano contra el Modelo extractivo Minero (M4), Mesoamerica

National Lawyers Guild International Committee (NLG IC), USA

New Generation Church of the Nazarene in Jessup, Maryland, USA

NGO Forum on ADB, Philippines

Occupy Bergen County, USA

OT Watch, Mongolia

Other Worlds, USA

Otros Mundos AC/Amigos de la Tierra México, Mexico

Plate-forme Haïtiennes des Organisations des Droits Humains (POHDH), Haiti

Platfòm Ayisyen kap Plede pou yon Devlòpman Altènatif (PAPDA), Haiti

Public Interest Law (PILC), Chad

Red Mexicana de Afectados por la Minería (REMA), Mexico

Réseau National de Défense des Droits Humains (RNDDH), Haiti

Rivers without Boundaries, Mongolia

Sahmakum Teang Tnaut (STT), Cambodia

Sèk Gramsci, Haiti

Social Justice Connection, Canada

Tèt Kole Ti Peyizan Ayisyen, Haiti

The International Network on Displacement and Resettlement, USA

The Oakland Institute, USA

Ulu Foundation, USA

Urgewald, Germany Women Thrive Worldwide, USA

Worldview, Gambia

Alejandra Gonza, Director, International Human Rights Clinic University of Washington School of Law, USA

Sister Joan Brown, Order of Saint Francis, USA

Karen Musalo, Bank of America Foundation Chair in International Law Professor & Director, Center for Gender & Refugee Studies UC Hastings College of the Law, USA

Stephanie Farrior, Visiting Fellow, University of Oxford, Kellogg College, Professor of Law and Director, Center for Applied Human Rights, Vermont Law School, USA

William P. Quigley, Professor of Law, Loyola University New Orleans, USA

cc: Konsèy Administrasyon

Panèl Enspeksyon